Nos manera di traha

Home > Nos manera di traha

Nos manera di traha

Na Mita Zorg nos ta pone e klientenan na promé lugá. P’esei nos no por bisa semper ki tipo di método nos ta usa. Paso esaki ta dependé di e kliente su nesesidatnan pa kuido i tambe nos ta tene kuenta ku e deseonan di e kliente. Lokual ta forma parti di e punto di salida den nos manera di traha ta ku nos traha riba un solushon adekuá pa kada kliente su nesesidatnan i tambe riba e motivashon propio i outo-sufisiensia di e kliente. Nos tin e tendensia den kuido pa hasi tur kos pa e kliente i resolvé su problema. Nos di Mita zorg ta kere ku ta mihó aktivá e kliente mes. Nos ta kana huntu ku e kliente pa asina e logra su ophetivo. Kaminda ta nesesario, nos ta duna un man of nos ta mustra e kliente e direkshon korekto.

 

Duna rekomendashon en bes di liderá

Bo ta aktivá e kliente dor di no presentá un solushon inmediato pa su problema, si no dunando e kliente un chèns pa e mes pensa riba e situashon. Dor di siña e proseso aki, bo ta sigurá ku den futuro e klientenan lo kuminsá pensa pa nan mes den un situashon problemátiko en bes di drenta den pániko of pidi pa ayudo inmediatamente. P’esei nos ta skohe pa ròl e di duna rekomendashon en bes di liderá. Den práktika, tambe nos ta mira ku nos klientenan na kuminsamentu ta hopi dependiente di nan supervisornan, pero gradualmente nan ta bira mas independiente dor ku nan ta atkirí skills i e posishon di e supervisor.

 

E kliente tin e kontrol

Ora nos ta hasi nos trabou nos ta asumí e fortalesa di e kliente. Nos ta enfoká riba lo ke por i lokual ta posibel i for di e punto aki nos ta sigui traha. Kaminda ta nesesario, nos ta ofresé apoyo i guia. E kliente tin e kontrol. Huntu nos ta krea un netwerk ku ta útil i saludabel. Nos ta sigurá nos mes ku e kliente tin tur kos na su disposishon pa logra e ophetivo stipulá. Dor di papia ku e kliente, nos ta determiná huntu kiko nos ta bai traha riba dje. E akuerdonan aki nos ta stipulá den e plan di kuido i plan di supervishon. Dor di stipulá e akuerdonan aki huntu, e kliente lo ta mas traha riba esakinan.

 

E metodó ku nos ta uza pa juda klientenan ku tin e habito di kolektá hopi kos

Nos tin nos mes método ku nos ta usa pa yuda personanan ku ta kolektá muchu kos. Nos ta kuminsá ku un kombersashon ku e kliente, den kual nos ta stipulá e severidat di e situashon. E ora ei nos ta determiná huntu kiko nos ta bai hasi. Si tin tempu i e grado di urgensia ta duna espasio, nos lo por yuda ku krea espasio den e kas. Esaki ta nifiká organisá i limpia i despues reorganisá huntu ku e kliente. Durante e trabou, lo pone enfasis tambe riba krea konsientisashon serka e kliente. Por ta posibel ku door di e tempu kortiku no ta permití e uso di e proposishon den fase aki. Despues ku tur kos wòrdu drechá i limpiá adekuadamente, ta rediseñá tur kos huntu ku e kliente. Dor di ofresé guia despues di e trabounan di rediseñá, semper nos ta purba di evitá ku e kliente ta bolbe kai den su habito. Den e kaso aki, nos tin kontakto ku diferente instansha.